Сүнс байдаг уу?

Энэ асуултанд хүн болгон л өөр өөр хариулт өгөх байх. Янз бүрийн шинжлэх ухаан болоод шашины талаас өөр өөр тайлбартай биз ээ. Харин миний хувьд энэнд итгэгчидийн нэг билээ. Тодхон жишээтэй дөнгөж сая гэр рүүгээ алхаж явахдаа тааралдлаа.
Тэр газар шөнө алхахад цаанаа л жихүүцэм нэг л зэвүүн. Гэхдээ дөт зам болхоор ядарсан хүн явахгүй гээд яах билээ дээ. Алхаж байтал ойр хавьд нэг ч хүн үл үзэгдэнэ. Харин ард талд 2 хүний хоршоо яриа тодхон сонсогдох агаад яг юу ярьж байгааг нь сонсох гэхэд нэг л болж өгөхгүй юм. Замын гэрлийн дор очоод эргээд хартал юу ч алга. Хий юм сонссон юм байлгүй дээ гэж бодоод цааш явлаа. Гэтэл өнөөх чимээ яалтчгүй л ард яваад байх юмаа. Хурдаа нэмтэл ард хоцрохгүй нь ээ. Хоолой дээр нэг юм тороод ирэх юмаа, харин ашгүй өөдөөс нэг хүн айсуй. За одоо ямар ч байсан гайгүй байх хэмээн бодоод алхтал нөгөө хүн ерөөсөө ойртохгүй юм. Уул нь өөдөөс алхаад л байгаа байлтай. За энэ яалтчгүй л хэрэг бишдлээ дээ гэж бодоод тамхиа асаагаад хартал нөгөө хүн маань нилээн ойртоод иржээ. Хажуугаар зөрхийг нь хартал царай нь харагдахгүй сааралтсан нүүртэй хүн гэхэд хэцүү амьтан юм. Ёстой зүрх амаар гарах шахаад л тамхиа хаяаад гүйлээ. Нэг мэдхэд гэрийнхээ хаалганы үүдэнд ирчихсэн хаалгаа онгойлгоод зогсож байлаа.
За нэг иймэрхүү л юм тохиодлоо доо. Зарим нэг үл итгэгчид уншаад уурлах л байх. Гэхдээ энэ Post-нд илүүчгүй дутуучгүй, ямар нэгэн хачир давсгүй бичсэн юм шүү.